Kur ushtari i dekoruar Kapiten Kollter Stivens zgjohet brenda trupit të një mashkulli të panjohur, ai zbulon se është pjesë e një misioni për të gjetur bombarduesin e një treni pasagjerësh në Çikago. Me një detyrë si asnjë tjetër që ai ka patur më parë, ai zbulon se bën pjesë në një eksperiment qeveritar të quajtur “Kodi Burimor”, një program që i bën të mundur të kalojë në trupin e një njeriu tjetër gjatë 8 minutave të fundit të jetës së tij. Me një objektiv të dytë, shumë herë më të madh, që kërcënon të vrasë miliona njerëz në qendër të Çikagos, Kollteri e rijeton ngjarjen prapë e prapë, duke mbledhur të dhëna, derisa të mund të zgjidhë misterin se kush është mbrapa bombave dhe të parandalojë sulmin e radhës.